O‘zbekiston standartlar instituti "O'zbekiston texnik jihatdan tartibga solish agentligi"ning standartlashtirish, sertifikatlashtirish va sifatni boshqarish sohasida faoliyat yurituvchi O’rta Osiyo mintaqasidagi yagona ilmiy-tadqiqot instituti va malaka oshirish markazi hisoblanadi. Institutning muhim faoliyatlaridan biri - standartlashtirish, texnik jihatdan tartibga solish, metrologiya va muvofiqlikni baholash sohalarida kadrlar malakasini oshirish va qayta tayyorlashdan iborat. Markazda fan doktorlari(ScD), falsafa doktorlari(PhD), magistr va sohalar bo‘yicha ekspert auditorlar, tinglovchilarga zamonaviy talablar asosida mashg’ulotlar o’tib kelmoqda. Sanoat va iqtosodiyot tarmoqlaridan yiliga o‘rtacha 3000 nafardan ortiq rahbar xodimlar va mutaxassislar o‘z malakasini oshiradilar.